買咗部麵包機一星期,
烘焙真係一樣好高深嘅學問,
真係有排學和研究。
剛有谷友想要食譜,我真的是初哥我只會用自己方法,未必是正統的,假如喜歡就跟,高手勿插。
今天傑作“咸牛肉芝士包”。
材料: 鮮奶120ml, 無鹽牛油25g(座溶)
鹽3g, 雞蛋一隻,糖20g,
高筋粉290g, 即發酵母3g
(兩片芝士切碎中途放入麵團裏)
餡料: 一條條的白芝士剪粒型,罐裝咸牛肉,
做法: 先落液體利用桶四角放唔同材料:
奶,蛋,牛油,鹽,糖,麵粉遮蓋晒之前材料,
最後在中間畫出一條坑放酵母,
就可以開始制作。
程序: 麵包機按法式麵包程序約四小時完成,但我會兩個鐘用手測試插入粉團麵粉個洞唔會彈上嚟就代表得,因為天氣都會影響發的時間,請自己調較,發好後在膠墊和粉團上灑上高筋粉,用拳頭輕壓麵包排氣,等十五分鐘左右,開始做型,做型後都要等十五分鐘先放入焗爐,我通常會放一柸一吋高水一齊焗麵包的。
Search